Інтэрнэт - Wi-fi

Wi-Fi - гэта тэхналогія бесправаднога падлучэння да сеткі Інтэрнэт. Wi-Fi гэта скарачэнне ад «Wireless Fidelity», што ў перакладзе з ангельскага азначае «бесправадная дакладнасць». Тэхналогія Wi-Fi робіць Інтэрнэт больш мабільным, бо карыстальнікі больш не прывязаныя да фіксаванага працоўнага месца.
Стандарт Wi-Fi дазваляе даць высакахуткасны доступ да ўсіх рэсурсаў сеткі Інтэрнэт (электронная пошта, Інтэрнэт-сёрфінг, сацыяльныя сеткі і мэсэнджеры і г.д.) з партатыўнага кампутара, мабільнага тэлефона або планшэта ў зоне пакрыцця сеткі Wi-Fi.

Для арганізацыі доступу да сеткі Інтэрнэт па тэхналогіі Wi-Fi Вам неабходна:

• мець прыладу, якая падтрымлівае працу ў сетцы Інтэрнэт па тэхналогіі Wi-Fi;
• знаходзіцца ў зоне дзеяння;
• набыць карту Wi-Fi любога наміналу, калі доступ у Інтэрнэт не прадастаўляецца бясплатна за кошт арганізацыі.

Для таго каб скарыстацца картай, неабходна акуратна выдаліць ахоўнае пакрыццё і ўвесці карыстальніцкія рэквізіты ў акно аўтарызацыі. Пры няправільным уводзе карыстальніцкіх рэквізітаў (лагіна і пароля) тры разы, рэквізіты блакіруюцца на 10 хвілін. Па заканчэнні гэтага часу Вы можаце паўтарыць спробу доступу да сеткі.
Карты Wi-Fi ад byfly не папаўняюцца. Гэта значыць для таго, каб працягнуць працу пасля таго, як Вы вычарпалі намінал карты, Вам неабходна набыць яшчэ адну карту.
Набыць карту доступу ў Інтэрнэт па тэхналогіі Wi-Fi можна ў пунктах продажу альбо праз web-партал самаабслугоўвання (аўтарызацыі) або адправіць SMS-паведамленне з мабільнага тэлефона для атрымання карыстальніцкіх рэквізітаў.
Карту пакрыцця Wi-Fi можна паглядзець на афіцыйным сайце інтэрнэт-правайдэра Белтэлекам (ByFly).